دنيا بتضحك على نفسها

مسافر فى دنيا فرحانه ...

في وسط الفرحه شايف قلبي حزين...

شايف شعاع النور بدموعى زى السيف...

بيقطع فى قلبى و دمه ع الارض و الناس ماشيين عليه و دايسين..

اشوف لعبه افتكر طفل زمان..

كانت ضحكته دايما كلها فرحه و جنان..

كان دايما يلعب فى الحاره مع احلى بنات من سنه...

و يطنش كل الصبيان..

كان حياته من براءتها..

عسل دايب فى احلى فنجان...

فجأه شاف دينا غريبه...

دنيا لئيمه..

دنيا حقوده..

بقى انانى..

يقول للحلو تانى..

و ان شاف الاحلى منه..

يقول مش عاوز الاولانى..

مش عاوز روح..

مش عاوز حنان..

عاوز لما صاحبى يشوفنى..

يقول الواد دا روش جنان..

و ارجع اندم على سوء اختيارى..

و افكر فى الاولانى..

الاقيه من كتر جرحه..

ظالم اللى معاه و انا الجانى..

ليه يا دنيا ناسك اتغيرو..

يقولو اخلاص و امانه و حب

و فجأه يضحكوا على كلامهم بفعلهم و يستنكروا!!

لما انت مثالى ف حبك و اخلاصك وعلى حالك كل الناس؟؟

مين بيجرح اغلى قلب عليه و يموت كل احساس

عاش يحلم بيه و لعينيه

يحلم يدوق بداله من مر الكاس

دنيا غروره صحيح..

و احنا في مهب الريح..


Ahmed MetallicA

دنيا بعيده

دنيا كل حاجه فيها واضحه..مختفيه..طب ازاى؟

يعنى ممكن تشوف حاجات جميله تخرجك من عالم الاحلام اللى بتعيش فيه مخصوص..

و تصدمك علشان تاخد درس فيها و تاخد دش بارد فى غيره..

و المشكله ان اللى بيقول انا عندى خبره فى الحياه هو اول واحد بياخد الدش البارد دا..

يمكن اللى ماشى بمبدا "كله على الله و مش فى دماغه " مش بيتعرض لنفس المواقف و حياته ماشيه كويس..ماعلينا المهم ان الغرور فى الاخر وحش جدددددددددا...

زى واحد متفوق فى مجال و مش بيعرف الجديد فيه علشان هو النمبر وان زى ما بيقولو و ييجى واحد نمبر عشر تلاف يكون متابع ولو حاجات بسيطه يضيع النمبر وان دا..



الدنيا بتخبي اكتر من كدا بكتييير...كأننا فاهمينها و قريبين منها و احنا بعيييييد..و البعيد عنها قريب اكيد طبعا مش هاقول " كل دا و قلبى اللى حبك لسا بيسميك حبيب " بس هو الكلام اللى طلع معايا كدا..


.في ناس بتخدع نفسها تقول ناقصنى بس احب و هابقى تمام اوى و مش هاحتاج اى حاااجه..طب افرض اخترت الشخص الغلط...مش دمك هايتحرق؟ و افرض واحد سيس عاوز يلفت نظرها مش هاتفرقع من الغيظ و الغيره؟؟؟


و اللى يقول انا عاوز ابقى حاجه فى دراستى رغم ان مستواه قليل علميا..يفكر يحاول يفكر بس يلاقى صاحبه الدحيح يقولله " ممكن يا كابتن تسمعلى التمانين صفحه دول؟؟ لالا مش تأفور و النبى "طب والله بكلمك جد عاوز اسمعلك التمانين صفحه" و يسمعهم من غير غلطه!!! يقوم عم اللى مستواه قليل يقول ما اروح انام ولا اسمعلى اغنيتين اهو بعمل حاجه فى الدنيا و خلاص بدل ما انا زى ست ابوها كدا...و تلاقى نوع مش فى دماغه الهوا..حدق اوى..يجيب الورق اخر السنه و يقرا و يفهم ايه الكلام و يألف و يمخمخ براحته فى الورقه..والدكتور يقول " الواد دا فعلا فاهم " و يديله درجه حلوه...

المهم بس اخلص جيش
و اشتغل ياااااااااه لو اشتغل احوش بقى و استقر و اتجوز اااااااااه

الشغل وصل " يادى القرف منا كنت باخد مصروفى و كل حاجه بتجيلى لازم وجع الدماغ دا و كل يوم كل يوم شغل دنا كنت بسافر هنا و هنا و هنا و مقضيها " ربنا ياخدني يا رب "

طب ماشى ياعم مش هاترتب حاجه لنفسك لما تموت؟

" اه عاوز اروح فرنسا و هولندا و كام حته كدا "

طب و امك و ابوك "مااااااااااالهم يا عمممممممممم" لالا اقصد يعنى رضاهم عندك مش مهم؟؟

"لالا هم اصلا مش فى دماغهم" طب و ربنا "اشطه انا فى النار اصلا"

طب يعنى حاول تعمل حاجه لربنا مش ممكن و انت بتكلمنى روحك تتقبض و اكلم فى نفسى؟

"تصدق احلى حاجه انك تكلم نفسك؟"

ممممم

قوم روح يلا انا هاحرق فى دمى لييييييييه ما ان شالله ما اشتغلت ولا اتجوزت ولا عشت ولا اتعدلت و انا مالى..

" اشطه بيس " " بيس يا سيس؟ "

ماعلينا

يا جماعه انتو فهمتو الدنيا ماشيه ازاى على حد فهمي ولا حد فاهم حاجه تانيه؟؟

AHMED METALLiCA

ايه فايدة ان انا اسمع ميتال؟

انا واحد من الناس -بعيدا عن اي شاب بيتقال عليه سيس- شايف ان كل واحد فينا له لحظه حزن بتسيطر عليه

...بتبعده عن كل حاجه..يتمنى يكون لوحده ممكن يلاقى حل للدنيا..

مشاكله..

يسمع كل الناس اللى بيستشيرها..

يلاقيها تتنطط عليه..يقولك " اتحكم فى نفسك و اكتب واحد اتنين تلاته و اعرف فى ايه كأنه ف معمل بالظبط و انت فار التجارب اللى عنده"

و تكلم واحد متدين ملتزم يقوللك " بطل كفر بقى و قوم صلى ركعتين لله و تفاأل " انت تعرف ايه مشكلتى علشان تقول تفاأل بمنتهى برود الاعصاب؟؟؟

و اسأل صاحبي اللي بيدرس علم نفس و كل مره يشيل السنه يقولى " بص يا صديقي دى حالة كبت و من وجهت نظري العلميه ااا..."ششششش اسكت حرام عليك اسكتوووووووو كلكوووووووو....و فى النهايه بتنتهى بالوحده ...

سمعت اغانى حزينه جالى نكد و فكرت انتحر...

سمعت فرايحى قلت يا بخت الناس دى عالم بارده اوى...

رومانسي مفيش اى حاله حب عندى و زعلت اكتر...

فى يوم سمعت اغنيهلموسيفى الميتال لقيت المطرب بيزعق و جيتار عالى و حاسس ان انا ف حرب بس حسيت ان فى جوايا طاقه كبيره فى المزيكا دى وبتتفرغ لما اسمعها و بحاول اندمج معاها و فى الاخر لقيت فى ان حالتى النفسيه احسن بكتير ...

فايدتها الاساسيه ليا-عن نفسي-انها بتعمللى ارتياح نفسي زى التراجيديا ما بتطهر الارواح من النوايا الشريره بالظبط

.بمعنى ان انا لما الاقى نفسي يعنى مكتئب او عندى تجربه وحشه ف حاجه معينه بجرب اسمع الناس و مع تناقض الاراء اللى بشوفها بقول فى الاخر ان اناهاكون لوحدى اريح من الرغى و ان كل واحد يجاوبلى من منطلقه و من وجهة نظره...

الميتال دا باختصار موسيقى فيها عنصرين يا اما الهدوء الشديد او الضوضاء الشديد

ف ممكن الاغنيه تكون هاديه فى الاول و تعلى او العكس . الراحه النفسيه فيها بتنشأ بالظبط من ان الواحد يسمع حاجه عاليه جدا او هاديه جدا بصوت بيمثل التمرد الداخلى له على حالة الحزناللى بيعيشها و عن العالم اللى حوالينا و دا ك لحن...

انما ك كلمات مش كل كلمات اغانى الميتال كفر و الحاد زى ما الناس بتقول و الا ما كنتش افكر اسمعها من الاساس. فى اغانى ل فريق ميتاليكا مثلا معظمها كلماتها جميله و مميزه بأسلوب جميل. غير لو ان الواحد هياخد كلالطاقه اللى فى الموسيقى دى فى حاجه نافعه بجد البلد دى هاتبقى احسن بلد فى العالم بما فيها من تحدى للحاله اللى كلنا بنهرب منها و تخلينا نلجأ للوحده و نحاول مع نفسنا نعدل منها من غير مانحتاج لحد بدرجه كبيره.

طولت عليكم لكن فى انتظار تعليقاتكم AHMED METALLiCA